સલામ છે ! DRDOએ બનાવી ખાસ રોકેટ સિસ્ટમ, દર ચાર સેકન્ડે એક મિસાઈલ લોન્ચ કરે તેવી સિસ્ટમનું સફળ પરિક્ષણ..

ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન (DRDO)ની સંસ્થાએ સેના સાથે મળીને એક ખાસ પ્રકારની રોકેટ સિસ્ટમ બનાવી છે. દાવો કરવામાં આવી રહ્યો છે કે, આ રોકેટ સિસ્ટમ દર 4 સેકન્ડે એક મિસાઈલ છોડવામાં સક્ષમ છે. Pinaka Mk-I અને Pinaka Area Denial Munition નામની આ રોકેટ સિસ્ટમ્સનું તાજેતરમાં સફળતાપૂર્વક પરીક્ષણ કરવામાં આવ્યું હતું.

પોખરણ ફાયરિંગ રેન્જમાં રોકટ સિસ્ટમનુ સફળ પરિક્ષણ થયુ હતુ, જેમાં આ રોકેટ સિસ્ટમ દ્વારા 44 સેકન્ડમાં 12 મિસાઈલ છોડી હતી. તેની રેન્જ 7 કિમીના નજીકના લક્ષ્યથી 90 કિમીના દૂરના લક્ષ્ય સુધી માર કરવાની છે. આ રોકેટ લોન્ચરના ત્રણ વેરિઅન્ટ બનાવવામાં આવ્યા છે - MK-1, MK-2 અને MK-3, જે અલગ-અલગ રેન્જ પર પ્રહાર કરી શકે છે.

મળતી માહિતી મુજબ, 'પિનાકા'ને ભારતની સરહદો પર તૈનાત કરવામાં આવશે, જેથી દુશ્મનોની નાપાક હરકતોનો જડબાતોડ જવાબ આપી શકાય. આ મિસાઇલ રેજિમેન્ટને 2024 સુધીમાં શરૂ કરવાની યોજના હાલ બનાવવામાં આવી છે.

પિનાકા મિસાઇલ સિસ્ટમ 44 સેકંડમાં 12 મિસાઇલ લોન્ચ કરે છે.  એટલે કે 4 સેકન્ડમાં એક મિસાઇલ ફાયર છે. દુશ્મનો સામે તે સૌથી વધુ શક્તિશાળી છે. રૉકેટ લૉન્ચરની રેન્જ 7 કિલોમીટરથી 90 કિલોમીટર દૂર સુધીની છે..